منتديات الإسلام والسنة

-
جبتلكم اليوم وصفه للباستا طعمهااا يجننننن اسمها أوليو😻🍃🍝 أكلتها في مطعم إيطالي و الا وإلا اعرف طريقتها و أطبقها في البيت 😩💪🏼
المهم طريقتها مرره سهله و تعتمد اكتر شي على زيت الزيتون و الثوم و الكزبره 🌿✨
الطريقه : اول شي نقطع صدور الدجاج و نتبلها بملح و فلفل اسود و كمون و اوريجانو ..
في طاوه ع النار نصب شويه زيت زيتون و نحط قطع الدجاج و نشويها الين تستوي و نرفعها من النار ..
في نفس القدر نصب زيت زيتون و نضيف ٦ فصوص ثوم و فطر مقطع شرائح و فلفل أخضر مقطع شرائح ضروري مرره بس ما كان متوفر عندي :(
المهم نحركهم الين يذبلو بعدين نضيف المكرونة تكون مستويه نص استواء و نضيف عليها كزبره مفرومه و نتبلها بملح و فلفل اسود و اوريجانو و بهارات ايطاليه و زعتر بري🍃
نقلبهم و نغطيه تقريبا ١٥ دقيقه على نار هاديه جدا و بعدها تقدم مع الدجاج و ممكن ترشو عليها جبن بارميزان و
لازم تجربوها والله محا تندمو ولا تنفجعو من كميه الثوم هوا اهم شي في الوصفه وطعمو مو واضح مرره 👌🏻
و بالعافيه عليكم مقدماً💕🍽