منتديات الإسلام والسنة - دجاج 65 حااارر و لذيذ

اسو دجاج 65 حااارر و لذيذ 😩🌶🔥
حنحتاج صدور دجاج مقطعه مكعبات متوسطه الحجم ..
تبلتها بملح و فلفل اسود و كمون و كاري و مسالا و تيكامسالا و غرام مسالا و فصين ثوم مفروم و زنجبيل اخضر مفروم ..
لاتنفجعو من البهارات الكثيره الي حطيتها ، هيا كذا الاطباق الهنديه مليانه بهارات 👳🏾🔥🔥
بعدين نغطي الدجاج بالنشا انا حظيت ملعقتين و نص ..
في طاوه ع النار قليت الدجاج ع الزيت على نار متوسطه
الين يستوي و يصير لونه ذهبي ، و نرفعه من النار و نحطه على ورق المطبخ ..
نجي للصوص : ٣ فصوص ثوم مقطعه شرائح و فلفل احمر حاار و أوراق كاري الطازجة 🍃..
نشوحهم ع النار الين يذبل الثوم بعدين نضيف الدجاج الي قليناه و نصب عليه صلصه حارة اَي صلصه عندك زي سومطره و كذا و شويه كاتشاب و اخر شي رشه بصل اخضر🌱..
و حبيت اقدمها مع بترشيكن و شباتي و سلطه خيار
لا احكيلكم عن الطططعععممم 😩❤️❤️
حااار و لذيذ مرررررهههه😭☹️❤️❤️
و الي مايحلو الحار مرره يقدرو يستغنو عن الفلفل الي في الصوص و يكتفو بالبهارت الي ذكرتها👏🏼
جربوها و قولولي رأيكم فيها والله نفس الي في المطاعم الهنديه 🙏🏻🇮🇳❤️