منتديات الإسلام والسنة - الكفته بالطحينه

اليوم سويت الكفته بالطحينه ✨
لا احكيلكم عن الطعمم جببباااار ما ادري ويني عّن هالطبخه من زمان 🙄😩♥️♥️♥️
.......
مقادير الكفته ؛
نص كيلو لحم مفروم
بصل مفروم ناعم
كزبره مفرومه
ثوم مهروس و زنجبيل اخضر مبشور "البهارات : كمون و قرفه و ملح و فلفل احمر مبروش "
نخلط كل المكونات الي ذكرتها مع بعض الين تتجانس بعدين نكور اللحم دوائر متوسطه الحجم ..
-في طاوه ع النار نسخن الزيت و نشوح اللحم من الجهتين و نغطيه و نتركه ع النار ١٠ دقايق و نرفعه من النار ..
مقادير صوص الطحينه :
ملعقتين كبيره زبادي روب
نص كوب طحينه سائله
عصير نص ليمونه
فصين ثوم
رشه ملح و فلفل اسود و كمون مطحون
ربع كوب ماء -نخلط كل المكونات مع بعض و بعدين فيه خطوه لازم تسووها راح يخلي طعم الصوص لذيذ ✌🏻
في نفس الطاوه الي شوحنا فيه اللحم نسخن الصوص فيه عشان ياخذ من طعم اللحم و البهارات الي فيه ..
-في صينيه بايركس صفيت بطاطس مشويه مقطعه شرائح و حطيت فوقها كرات اللحم و صبيت الصوص ..
-ندخلها الفرن على درجه حراره ١٨٠ْ تقريبا ٢٠ دقيقه او الين يثقل الصوص و يبدأ ينشف ✨
امانه لازم تجربوها والله لذذذييييذذذه بشكل مو طبيعي ♥️♥️
و قولولي رأيكم فيها🤸🏻‍♂️♥️♥️