طريقة الكيكة 🍰 :
بيضتين
ڤانيلا
كاس زيت
كاس سكر
كاس ونص حليب
كوبين طحين
ملعقه كبيرة بكنج بودر ورشّه ملح
+
( قرفه مطحونة بين الطبقات )
( البيض والحليب بحرارة الغرفة )
-
نخلط البيض والسكر والزيت والحليب والفانيلا مع بعض
نخلط الجاف مع بعض
نضيف الجاف للسايل بالتدريج لين يصير خليط نفس البان كيك تقريبًا .
نكون مشغّلين الفرن من قبل من فوق ونحط طبقه كيك ٧ دقايق بعدين نطلعها ونرش قرفه ونحط طبقه كيك خفيفه ثانيه ونفس الشي ٧ دقايق لين نخلص كل الكميّة واذا خلصنا نشغل الفرن من فوق وتحت تقريبًا ١٥ دقيقة .
نتركها تبرد بعدين نساوي الاطراف لين تكون مربعه مستويه بعدين ناخذ المقاسات ونقصها اربع مستطيلات
ونحطها بطريقة خطوط متعاكسه 🤔
نلزق قطع الكيك بشوي نستله بالفرشه 👌🏼
ونلفها بورق زبدة ونغطيها بنايلون تغليف ونحطها فالثلاجة نص ساعه.
نجهّز القاناش :
نجيب شوكلاته تقريبًا كوب مقطّعه
ونص كوب حليب مع ملعقتين زبدة نحطهم عالنار لين يصير حار ونصبه على الشوكلاته ونتركه يرتاح دقيقه بعدين نخلطه باستمرار لين يذوب كله 🍫.
نحفظه فالثلاجة لين تبرد الكيكة معنا .
الحين نجيب الكيكة ونصب عليها القاناش ونتركه يبرد شوي .. بعدين نرش عليها كاكاو بودرة ونزيّنها بزينه السكّر 😍♥
وبالعافية 💕
كيكة طبقات القرفه 💕
العرض العادي
