السلام عليكم و رحمة الله و بركاته
مشكلة تسلخات الحفاض مؤلمة للطفل طبعا
انا الحمدلله ابني ماشاءالله تبارك الله ولامرة حصلت معه
زوجي دايما يقلي خلي المنطقة تتهوى
شمسيها
كنت احس انو الولد قطعة قماش لازم تتهوى واقعد اتمسخر وزوجي يقلي لازم يتهوى
ويعني صرت اهويه
فالتهوية مهمة جدا
لكن مو هادا الموضوع
قبل كم يوم لاقيت بين رجلين فهود لاول مرة احمرار وحب صغير
ولماالمسيه يتوجع شوي
وضعت شوي من كريم الحفاض
ولكن ماحسيت تاثر كتير
فعملت اشي مرة سمعتو من وحدة
بالليل قبل نومو
جبت مية ورد باردة وشوية نشا وخلطتهم سوا وحطيتهم مكان الاحمرار
و سكريت البامبرز
والصبح وين الاحمرار راح؟
اختفى ماشاءالله لاقوة إلا بالله تبارك الله
لم يبق الا لون زهري فاتح جدا يعني لايذكر
وضعت طبقة من كريم الحفاض والبودرة وخلص الحمدلله الان مافي اشي
حبيت اقلكم الحل هادا عشان عارفة اديش هالمشكلة بتوجع الامهات والاطفال
وبصراحة كنت كتير انسا اغير لفهد البامبرز
لدرجة اغيرو الصبح ومااتزكر الا المغرب ياحرام
بس هلأ صرت اخد بالي اكتر يعني عشان الولد ماكان يتسلخ اطنش هيك حرام يعني
فلازم تغيير الحفاض باستمرار سواء متسلخ ولا لا
الله يهديني واتزكر دايما لانو بجد احيانا بنسا لساعات طويلة جدا
ونسيت اقلكو ماتكترو للطفل عصير برتقال
يعني انا كل يوم تقريبا اعملو فاكهة بالخلاط وبحط معها عصير برتقال
برتقالة وحدة
وفي يوم مخي مابعرف مالو وعصرت برتقالتين ومن بعدها والله اعلم هية الي سبب التسلخ البسيط
وصار اسهال طبعا
لهيك برتقالة وحدة باليوم كفاية جدا ماعملت اسهال ولا تسلخ الا البرتقالتين كمية مبالغ فيها
كمان خلو البرتقال مع فاكهة اخرى يعني مو لحالها عشان يصير توازن في البراز مايصير اسهال
مثلا انا بحط برتقال وتفاح وموز
او اي فواكه اخرى
بس لما عطيتو برتقال لوحدو وخلطت في بسكوت اطفال صارلو اسهال فورا
كمان نسيت اقلكم غسيل المكان بالماء وصابون الاطفال احسن اشي وانظف صراحة
انا بالاول كنت امسح عطول بالمناديل الخاصة صحيح انها خالية من الكحول ومعها ملطفات وهيك ونوع منيح
لكن تحسي لسة في شي مو نظيف تماما رغم انو امسح امسح ومايضل شي ابدا
هادا الحكي قبل مياكل فهود لانو كان صغير تحت 6 شهور وكان لسة مابتحكم بحالو كتير فما بقدر اغسلو عالحوض وكنت اخاف يبرد وهيك
بس بعد مصار ياكل ماشاءالله البراز الله يعزكم صار بحالة لا تحتمل مجرد مسح بالمناديل
مافي بعد الصابون والماء غير تماما
ولما يكون البامبرز بس بول الله يعزكو يارب
مسح بالمناديل يكفي وكويس ونظيف
قرفتكو معلش سامحوني
بس ان شاءالله تكونو استفدتو
الحل السحري لتسلخات الحفاض من تجربتي / منقول
العرض الشجري