دجاج بكريمه الفطر اللذيذه 🍄
اول شي نتبل صدور الدجاج بملح وفلفل اسود و بودره ثوم و بابريكا ..
نغمس الدجاج في الدقيق و على طاوه مسخنه نشوح الدجاج مع شويه زيت زيتون على نار هاديه و نغطي الدجاج عشان يستوي بسرعه بعدها نطلع الدجاج و نخليه عبى جنب ..
الخطوه الثانيه : كريمه الفطر🤤🍄
بنفس الطاوه الي شوحنا فيها الدجاج حنسوي الصوص طبعا عشان يأخذ من طعم الدجاج ..
نذوّب الزبدة و نشوح حبه بصل مقطعه مربعات صغيره او مفرومه ، اول ما يذبل البصل نضيف الفطر و الأفضل يكون طازج مو معلب ، و ٣ فصوص ثوم ، شويه زنجبيل مبشور ..
البهارات : ملعقه من كل : بهارات ايطاليه ، اوريجانو ، كمون و ملح و فلفل اسود ..
اول مانديلا الخضار نضيف نص كاسه مويه و مكعب مرقه الدجاج نخليها تقريبا ٣ دقايق بعدين نضيف كريمه الطبخ ، اذا حسيتو الكريمه خفيفه ضيفو نص كاسه مويه مذاب فيها ملعقه دقيق ..
بعدين نضيف صدور الدجاج ع الكريمه و نخليها ع النار تتسبك شويه و تأخذ طعم الكريمه ..
اخر شي زينتها بكزبره و فلفل احمر مبروش ..
ممكن تقدمونها مع ماش بوتيتو او رز او خبر 🤤💕
و بالعافيه عليكم مقدماً💕💕