مجبوس الدياي

[lojain]

مجبوس الدجاج🍖
.
صرت استخدم ادوات واايد تسهل علي بالطبخ
.
طبعا الاغلبيه يعرف الفراير من فيلبس ..وايد حبيتها واستخدامها جدا سهل..و الحلو فيها ان تطبخ الاكل من غيير زيت و دسم حق اللي يبي شي صحي..انا هالمره استخدمتها بشوي الدجاج 👌
.
والشي العجيب الثاني اللي صج وايد سهل علي ..اهي القطاعه ..شفتو بالفيديو شلون فرمت البصل 👍 و مو بس للبصل تستخدم للخضار بعد..ممتاازه
.
و هذي مقادير المجبوس اللذيذ:
.
دجاج مغسول و منظف عدل
نسلقة بماء مع 👇
بهارات حب ( قرنفل-فلفل اسود-هيل-قرفه-ورق غار)
فصين ثوم-زنجبيل فرش-بصل
بهارات بودره ..ملعقه وسط ( كركم-كاري)+ملح
٢ بصل شرايح مقلي .
٢ كوب رز مغسول و منقوع عالاقل ساعه
كوب منقوع ماء ورد +زعفران
١بصل مفروم
بهارات بودره( هيل-قرفه)
.
الطريقة:
بعد ما يستوي الدجاج ..نصفي الماي ماله و نحتفظ فيه للرز ..و الدجاج نبهره بقرفه و هيل و نصب عليه منقوع ماء الورد والزعفران و نقليه ..بزيت فيه رشة صبغة زعفران .
بقدر نذوب ثلث قالب زبده و شوية زيت ..نحمس البصل المفروم ..انضيف عليه الرز و نحمسه معاه و انضيف عليهم ملعقه وسط قرفه و هيل ونحمس لما نشوف العيش تغلف بالزيت..تالي نصب ماء سلق الدجاج ..و انخليه يطبخ الرز و عالوجه نصب منقوع ماء الورد والزعفران .
.
الحشو:
نحمس 2 بصل مفروم من غير زيت ..لما يبدي يتغير لونه انضيف له رشة ماي و نحمس ..لما يتغير لونه للبني ..تالي انضيف ملعقه طعام سمن + نص كوب نخي ( حمص) مسلوق+بهارات ملعقه صغيره ( ملح وفلفل اسود +هيل +قرفه+لومي اسود) .