http://forum.mn66.com/uploads/01-2013/7447_mn66com.gif


عملت كبة وطلعت يم يم نجحت من بعد عدة محاولات


هي مو صعبة بس فيها شغل كتير حاولت اني اصور واشرح خطوة خطوة



اول شي مقادير العجينة كلها

برغل ابيض ناعم - ولحم - رشة طحين
الكميات هي مقدارين للبرغل مقدار للحم يعني لو استخدمتي كيلو برغل لازم نص كيلو لحم
وبتختاري الكمية على حسب عائلتك
يعني بما اني انا وزوجي بس وصعب علي اعرف الكيلو والنص كيلو بستخدم الكوب
يعني حطيت 2 كوب برغل 1 كوب لحم تقريبا والكمية لو اقل بشوي او اكتر عادي

اغسلي البرغل واتركي بوعاء على جنب حتى ينتقع لما تغسي صفي منو الماء لانو الماء الي بقيت فيه من الغسيل كافية انو ينتقع (كتيييييير ضروري هالشي مالازم يطلع ابدا في ماء زايد لازم يكون ناشف )
وبعد عشر دقايق او ربع ساعة ( على حسب الكمية ممكن تكون ساعة ) دوقيه ولو شفتي انو انتقع منيح يعني نبدا
حطي اللحم فوق البرغل وافرمي بالفرامة اختاري الوسط لاتختاري الصغير

ورح يطلعو بهالشكل



http://forum.mn66.com/uploads/01-2013/9150_mn66com.gif


بعدين ابدي اعجنيها بايدك وحطي عليها رشة طحين وملح متل الصورة




http://forum.mn66.com/uploads/01-2013/9151_mn66com.gif
لو حبيتي تحطي بهارات عادي بس هي طعمها الاصلي بدون بهارات

وهيك خلصنا العجين اهممممممم شي غطيها لاتخليها تنشف ابدا


نجي للحشو

بصلة كبيرة مفرومة ناعم او بصلتين وسط - كمية لحم تقريبا ضعف الكمية الي استخدمناها للعجين يعني هو تقريبا حتى ما ينقص حشو - جوز مقطع وسط - صنوبر - دبس رمان - رمان (مو ضروري )- ملح


نحمس البصل ولما بصير شفاف نضيف اللحم ووطي النار وغطيه حتى يستوي
ولما يستوي اللحم ضيفي الجوز والصنوبر



http://forum.mn66.com/uploads/01-2013/9152_mn66com.gif


وحركي شوي وطفي النار



http://forum.mn66.com/uploads/01-2013/9153_mn66com.gif
وضيفي دبس الرمان والرمان ولو بتحبي اي بهارات عادي حطي بس مايكون حار
انا ماحطيت ابدا لانو ابني صغير وحبيت انو ياكل معنا

الشكل النهائي للحشوة



http://forum.mn66.com/uploads/01-2013/9154_mn66com.gif

نجي للشغل الحقيقي

الكبة
بعد مانحشيها وهي كانت اكبر مشكلة عندي بس الحمدلله بقدرة قادر تعلمت

رح حاول اشرحلكن

اول شي لازم عند كل وحدة تبللي ايدك حطي ماء جنبك متل الصورة



http://forum.mn66.com/uploads/01-2013/9155_mn66com.gif

خدي جزء من العجين كوريها واعمليها بهالشكل



http://forum.mn66.com/uploads/01-2013/9156_mn66com.gif

بعدين حطي فيها من الحشوة




http://forum.mn66.com/uploads/01-2013/9157_mn66com.gif


وسكريها حاولي تسكريها بالاصبعين الابهام والسبابة بعد ما تبللي ايدك بالماء




http://forum.mn66.com/uploads/01-2013/9158_mn66com.gif



ورح تصير متل هيك


وكملي لحد ما تخلصي كل العجين



http://forum.mn66.com/uploads/01-2013/9159_mn66com.gif

يعني هو الشكل مو بيرفكت بس ماشي الحال
وطبعا لاتخليه مكشوف غطيه بين ماتخلصي كل الشغل الباقي

نجي للكبة المقلية وهي بسيطة بس لازم تنتبهي

اول شي حطي زيت تقريبا انو يغمر الكبة وحميه ع النار



http://forum.mn66.com/uploads/01-2013/9160_mn66com.gif



ولاتحطي ولا واحد الا لما تتأكدي انو صار حامي ع الاخر لانو لو كان بارد شوي رح تفرط الكبة وتخرب



وحطي واحد واستني لاتحطيهم ورا بعض ستني شوي بعد كل واحد لانو الزيت بيبرد



http://forum.mn66.com/uploads/01-2013/9161_mn66com.gif



طلعيها لما يكون لونها اغمق من الدهبي بشوي
وخلصنا من الكبة المقلية




الكبة اللبنية

اللبنية
ونجهزها بهالشكل




http://forum.mn66.com/uploads/01-2013/9162_mn66com.gif




http://forum.mn66.com/uploads/01-2013/9163_mn66com.gif


طبعا نفتحها حتى يدخل عليها الروب



واهم شي انك تزبطي اللبن ( الروب )
والمقادير

روب تقريبا كوبين ونص - ملعقتين نشا - ملح

ماما بتقول اخلطيهم بالخلاط قبل ماتبدي بطبخهم بس انا جربت وحسيت انو الخلاط لايغني عن التكتل لو ما انتبهتي بالطبخ فما حطيتو بالخلاط



http://forum.mn66.com/uploads/01-2013/9164_mn66com.gif


شغلي النار وحركي بخفة وما توقفي ابدا ولا تغيري اتجاه التحريك لانو رح يخرب




http://forum.mn66.com/uploads/01-2013/9165_mn66com.gif


لحتى يبدا يغلي وطي النار وطبعا رح يكون جامد شوي



http://forum.mn66.com/uploads/01-2013/9166_mn66com.gif

ضيفي ماء شوي وخليه يغلي شوي

الكبة
ووطي النار وغطيها لحد ما تستوي



http://forum.mn66.com/uploads/01-2013/9167_mn66com.gif


(( ليصلك كل جديد أرسل الرقم 1 الى - 81428 للإتصالات السعودية - 601428 لموبايلي - 701428 زين ))




ممكن تدوقيها لتعرفي استوت ولا لاء وكمان بتصير شوي قاسية هي مارح تحتاج اكتر من نص ساعة


وسكري وووبس

شورية العدس

الكبة
وهي بسيطة


كوب عدس - نص كوب رز - كمية كبيرة ماء لانو رح تنشف - وممكن تضيفي لحم او لو عندك عظم بس ما تكتري لانو رح يطلع دسم كتير



http://forum.mn66.com/uploads/01-2013/9168_mn66com.gif


اتركيها تغلي فترة طويلة يعني اكتر من ساعة على نار هادية لحد ماتصير بهالشكل


http://forum.mn66.com/uploads/01-2013/9169_mn66com.gif



وهيك خلصت طبختي وهي النتائج



http://forum.mn66.com/uploads/01-2013/9170_mn66com.gif




http://forum.mn66.com/uploads/01-2013/9171_mn66com.gif





http://forum.mn66.com/uploads/01-2013/9169_mn66com.gif