بحط لكم حشوات للسمبوسه والسبرنغ روول اللي مجربتهم👌
.
واللي عندها حشوه حلوه تكتبها لنا عشان الكل يستفيد👏👏
.
1⃣حشوة الجبن والذره1⃣
جبن شيدر كرافت مبشور +علبة ذره .
2⃣حشوة الحلوم والقشقوان2⃣
جبن حلوم مبشور+جبن قشقوان مبشور+فلفل بارد مفروم+زيتون+ملعقه صغيره نعناع+زعتر .
3⃣حشوة البيتزا3⃣
مشروم مفروم+زيتون مغروم+فلفل بارد مفروم+ جبن شيدر مبشور+جبن موزريلا+رشة اوريغانو+انضيف شوية من صلصه البيتزا الجاهزه..نخلطهم كلهم مع بعض
.
4⃣حشوة المسخن4⃣
المقادير:
٣ صدور دجاج مسلوقه ومسحبه+٥ بصل شرايح
+صنوبر+زيت زيتون+سماق+بهارات الدجاج+مكعب مرقه دجاج+ملعقه دبس الرمان ( اختياري)
الطريقه:
نحمس البصل بكوب زيت زيتون ..لما يذبل البصل انضيف الصنوبر ونحمسه مع البصل لما يتحمر تالي انضيف الدجاج المسحب والبهارات والسماق و دبس الرمان نحشي الحمسه بالسمبوسه ونلفها ونقليها.
.
5⃣حشوة بافلو تشيكن5⃣
صدور دجاج مسلوقه ومسحبه +صلصة بافلو الجاهزه+كرفس ( سالاري) مفروم
.
نضيف على الدجاج الصلصه والسالاري ونخلطهم مع بعض
.
6⃣حشوة البطاط بآجار المنجا6⃣
بطاط مكعبات مسلوق +بصل مفروم+فلفل بارد مفروم+بهارات مشكله+اجار منجا
نحمس البصل والفلفل البارد وتالي انضيف البطاط المسلوق وانضيف البهارات والملح و الاجار .
7⃣حشوةاللحم والبقدونس7⃣
نص كيلو لحم مفروم+٤ بصل مفروم +ثوم مهروس+١ بقدونس مفروم+البهارات ( فلفل اسود-كركم-كمون-كزبره)
نحمس اللحم لما يتغير لونه وينشف الماي انضيف البصل والثوم والبهارات و اخر شي البقدونس .
8⃣حشوة النودلز8⃣
فلفل بارد وبصل و جزر و ملفوف شرايح+ملعقه كبيره ثوم وزنجبيل+كوب صويا صوص+نودلز صيني منقوع بماي حار +مكعب مرقه خضار
.
نحمس البصل والثوم والزنجبيل تالي انضيف الخضار ونحمسهم لما يذبلون تالي انضيف الصويا صوص ومكعب الخضار و اخر شي النودلز .
9⃣حشوة النقانق والمرتديلا9⃣
نقانق مفروم +مرتديلا+بصل مفروم+فلفل بارد مفروم+ملعقتين كاتشب+ملعقه سويت اند تشيلي صوص+ملعقة جبن كرافت
.
نحمس البصل والفلفل البارد وانضيف النقانق والمرتديلا ونحمسهم وتالي انضيف الصلصات كلهم .
🔟حشوة البروكلي والهالبينو🔟
بروكلي مسلوق+جبن فونك مبشور+هالبينو مفروم
.
نخلطهم كلهم مع بعض ونحشي السمبوسه او السبرنغ روول👌
.
اكثر من حشوة جميلة للسمبوسة و السبرينغ رول
العرض العادي
