المقلوبة

[اروى]

المقادير ..//

1 - رز ..



2 - دجاج ..



3 - زيت ..



4 - ثوم ..



5 - حبحر ..



6 - بصل ..



7 - بيدجان ..



8 - ورده ، أو زهره أو اللي تسمونها ، بس حنّا نسميها زهره ..



9 - بطاطس ..




وهذي صوره جماعيه ..



10 - صلصه ..



11 - بِزَار أبيَض ..



12 - بِزَار أصفَر ..



13 - كمّون ..



14 - ملح ..




.
.

الطريقه ..//

عاد هالحين نبدأ الشغل ، وأول شئ نجيب القدر اللي نبي نطبخ فيه <- أشوا إنّك علمتهم .. ونحط كمّية الزيت اللي نبيها بالقدر ..



ثمّن عاد نبدأ بأول خطوه واللي هي " الكشنه " ، نجيب البصل والثوم



ونحطها بالقدر ونخليها شوي على النّار لين تزين ، يعني أربع خمس دقايق إلين تصير تقل محترقه شوي .. بعد كذا نجيب الدجاج ونحطّه بالقدر ونخلطٌه مع الكشنه ، ونخليها شوي على النّار بعد ..



بعد كذا نجيب الطّماط ونحطّه ، ونقعد نخلط اللي بالقدر لنا شوي ، ثمّن عاد نحط البهارات اللي هي " الكمّون والبزار الأبيض والأصفر " ، والصلصه والملح ، ونزود عليهن ماء علشان نقدر نخلطهن زين ! ، لأننا إذا ما أضفنا نبي نبلش بالخلط ومهوب قادرين نخلطهن زين









وهنا يوم أضفت عليها ماء ، علشان أقدر أخلط على راحتي ..



واللي يبي يضيف فلفل أسود بكيفه بعد .. لأني أنا منيب أواطنه بس الأخ اللي معي أبثر أهل أهلنا الا غصب يبي يحط ، وتعرفون جاي من سفر ولا ودنا ننشب له



وبعد مانخلط المكونات اللي بالقدر كوّيس ، نسكره ونخليه يطبخ له شوي ..
يعني عشر دقايق أو أقل من كذا بشوي ..

بعدها نفتح القدر ونكب الخضار اللي هو " البطاطس والزهره والبيدجان " ، وطبعاً يبيلك تصفّه وتواسيه على القدر ، علشان يطبخ كله زين ، مهوب لافتحته بعد عشر دقايق أثاري بوه شيّن مطبوخ وشيّن لا .. فوجب التنبيه يا إخوان







وبعد مانحط الخضار ، نسكّر القدر لنا عشر دقايق أو أكثر شوي ..
وهذي صوره للخضار بعد ماطبخناه ..




بعد هالمرحله ، نبي نروح لمرحلة الرّز ، والرز فيه كم طريقه له ، وتختلف من ناس لناس ، وانا هالمرّه خليت الرز مسلوق علشانها أسرع طريقه ، لأننا كنّا نلهث من الجووع ونبي نخلص بأقرب وقت هههههههههههههههه ..

طبعاً الرز تخليه على النار إلين يلين الحب شوي ، وما يصير قاسي ، يعني تخليه حول العشر دقايق أو أكثر شوي بدقيقتين ، ويختلف الوقت بين كل رز ورز لأن الرز القديم يبيله يطبخ وقت أكثر شوي ، وكل ما يكثر الرز يبيلك تخليه فتره أطول علشان ينسلق زيين .. وإذا حطيت الرّز ومعه الماء ، تحط معهن حبحر وزيت .. وتخليه عاد يطبخ وكل شوي " تذوقه " وتشوف زان وزبط وصار الرز ليّن شوي ، ولا خله يكمل سلق ..








وبعد ما ينسلق الرّز زين ، نكب الماء اللي باقي بالقدر اللي سلقناه فيه ، ثمّن نكبه على القدر الثاني ، ونواسيه على القدر ، ونغطي فيه كل الطبقه اللي تحته ، وما نخلّي أي شئ يطلع منها !! ، بعدين نسكّر القدر ونخليه " ساعه كاامله " ،









هالحين عاد نبي ناصل لأصعب مرحله ، واللي أعتبرها ألعن مرحله بالطبخه ، لأنك إذا ماصرت قوي وإيدك كبر قريح ههههههههههههههههههه ، تبي تاكل هوا وتبي تتورط مع هالطّبخه .. الزبده وصلنا المرحله اللي نقلب فيها القدر ، واللي متخصص فيها إخونا اللي أجبرنا على طبخ هالطّبخه



هالحين عاد ناصل للشكل النهائي ، واللي يخلي سعابيلك تقوطر من أول ماتشوفها ..
وإعذرونا يا إخوان والله ماصورتها زين ! ، لأني كنت متلخبط ذاك الوقت مع قلبة القدر وإنحاس مخّي وماصورت زين .. بس إن شاء الله إن هالصّور تفي بالغرض وتكفّي وتوفّي








ويالله تفضلو وحياكم الله يا إخوان ، وإعذرونا على قل الكلآفه .. وبالهناء والشفاء

[عيون المها]

تسلم الايادي