روبيان سويت آند ساور 🍤🍚

[لليان]

مساء الخير حبايبي 🙄👋🏻
روبيان سويت آند ساور 🍤🍚
نحتاج نص كيلو روبيان من الحجم الكبير
مقشره و منظفه ..
نتبلها بملح و فلفل اسود و عصير ليمونه🍋..
نكسر بيضه و نرش عليها ملح و فلفل اسود ونغمس الروبيان في البيض و بعدين في النشاء .. في طاوه مسخنه صبيت زيت عافيه و شوحت الروبيان ٣ دقايق لكل جهه ..لا تطبخوها اكثر من كذا بتصير قاسيه ..
نجي لصلصه السويت آند ساور: ٣ ملاعق كاتشاب ، ملعقتين صلصله صويا حلوه ، عصير ليمونه ، ملعقه سكر و نص كاسه مويه💧..
في نفس الطاوه اضفت كمان زيت عافيه و ٣ فصوص ثوم مع زنجبيل اخضر نقلبهم الين يذبلو..
بعدين نضيف بصل مقطع و فلفل رومي ملون و الروبيان و نصب عليهم الصلصه و نقلبهم ..
اخر شي نذوّب معلقتين نشاء في كاسه مويه دافيه و نصبها عشان يكون الصوص ثقيل و مضبوط🙄👌🏻
و نزينها ببصل اخضر و رشه سمسم✨
مااايحتاج أقلكم قد اييييششش طعممووو لذيذ 😻❤