بلح الشام بطريقة سهلة

[اسماء]

بــســــــــــــــــم الله

المقادير :- (( دا مقدار صغير ))

كوب دقيق كبير
كوب ماء كبير
ربع كوب زيت
3 بيضة
نص ملعقة كبيرة خل
ذزة ملح وذرة سكر
فانيلا

مقدار الشربات :-

(( أول تكة )) احنا محتاجين شربات تقيل جدا جدا

يعني مقدار 2 كوب سكر على نص كوب ماء يتحطوا على نار هادية لحد ما يغلوا
نسيبهم يغلوا 3 دقايق ونعصر عليهم نص ليمونة ويغلوا كمان 5 دقايق على نار هادية
ونطفي ونحط الفانيلا ونسيبه يبرد


الطريقة :- أنا عملت 3 مقادير

أولاً دي الكوباية اللي عايرت بيها الدقيق والمايه والزيت


في الأول بنحط المايه على النار تغلي



أول لما المايه تغلي ننزل عليها بالزيت ونخليهم يغلوا كويس مع بعض



وننزل بعدها بالدقيق ونكون حطين عليه ذرة السكر وذرة الملح



ونقلب بسرعة لغاية ما تلم وتعمل كورة كده وتفصل عن جناب الحلة



ونسيبها تهدى خااااااااااااااالص

انا عملت العجينة دي بالليل وحطيتها في علبة وقفلتها كويس أوي ودخلتها التلاجة

وصحيت الصبح طلعتها وكملت

نكمل يا فتوكات

بعد ما تبرد كويس أوي

نكسر بيضة وعليها شوية فانيلا ونعجن بإيدنا

لو عندك عجان يبقى أحسن لو مش عندك بلاش تستخدمي مضرب البيض
عشان العجينة بتبقى تقيلة أوي على المضرب ممكن تبوظه)

اكسري البيضة واعجني بإيدك



كرري نفس الموضوع مع البيضة التانية

(( التكة التانية )) آخر بيضة حطي عليها نص معلقة الخل واعجني

الخل هايقلل زفارة البيض وبيدي قرمشه عجيــــــــــــبة

ودا شكل العجينة في النهاية



نبدأ بقى الشغل

تملي كيس الحلواني أو البلبلة

(( التكة التالتة )) تجيبي مقص عشان تقصي العجينة وهي نازلة من البلبلة

عشان تبقى شكلها مرتب زي بتاعة بره



كده تقدري تتحكمي فيها مش تبقى ملوية ولا آخرها منحكش

أهم حاجة ان المقص دا لاستخدام المطبخ بس

لا تقصي بيه ضوافرك ولا شعرك

نبدأ بقى القلي

وطبعاً كلنا عارفين ان الزيت لازم وحتماً ولابد يبقى بااااااااااااااااااااااااااااااااارد وغزيــــــــــر

يعني تحطي الزيت في الطاسة وتقومي حاطة بلح الشام وتحطيه على نار هاااااااادية

نبدأ نملى الطاسة على البارد (( متمليش الطاسة أوي عشان هاتتنفخ أوي ))



هاتنزل في قعر الطاسة ونرفعها على النار الهادية



شايفين نفخت إزاي وقبت فوق



وتابعوا بقى معايا





تابعوني يا بنااااات

لما أطلع الطاسة واحطها في الشرباااات
يتبع

[اسماء]

كده يا بناات وصل للون اللي عاوزينه



ننشله من الزيت ونحطه في الشربات التقيل البارد

ودي أهم تكه عشان الشربات لو خفيف هايصفي كل العسل وتلاقيه مايع

أما الشربات التقيل بيفضل موجود جوه بلح الشام بكمية كويسة ومش بيكون زايد

وبصو من تقل الشربات بلح الشام ماسقطش تحت إزاي

وكمان عشان بلح الشام هش أوي ومقرمش ومش شارب زيت خاااااالص



نقلبه كويس في الشربات ونسيبه دقيقة يتشرب ونطلعه في مصفي يصفي الشربات الزايد



وآدي النهااية

عملت طبق عشان ناخده لناس حبابيبنا واحنا بنزورهم







ودا طبق مخصوص لحبيبتي ميثاق

ربنا يخليكي ليا ولا يحرمني من دعواتك الحلوة دي










والله يا فتوووكات مقرمش جدا جدا من بره وطري أوي من جوه

وطعمه واااااااااااااااااااااااااااااااااااو يهبل أحلى ميت مره من بتاع بره



نسيت يا بنات أفكركم اننا نسيب الزيت يبرد خالص بين كل طاسة وطاسة

منقوووووووووووووووووووووووووووووووووووووووووووووول