طريقة حفظ الملوخية

[الجوهرة]

السلام عليكم ورحمة اله وبركاته

شوفوا هادي طريقة مضبوطة مية مية انا مجربها وبتقعد من السنة للسنة وكمان انا علشان عندي اطفال فا مش بقدر انزل اجبها واعملها في نفس اليوم ( نزولي السوق علي فترات كبيرة )فبجيب كمية واستعملها في اي وقت.

المهم نخش في الطريقة علي طول

هتجيبي الملوخية وتقطفيها عادي وتغسيليها كويس جدا وبعدين تنشفيها كويس جدا وبعدين تحطيها في كيس بلاستيك عادي بتاع السندوتشات وتفرغي منه الهواء بالضغط علية وتربطية وتحطية في الفريز بس((المهم اهم حاجة لما تعمليها تطلعيها من الكيس وتخرطيها بلمخرطة علي طول من غير ماتفوق بثلجها ))هتلاقيها تتخرط علي طول سهلة جدا وهتلاقيها خضراء كأنك لسة جيبها وتعمليها عادي ..

وعندي طريقة جميلة جدا في عميلها

اولا: تدقي الثوم مع الكزبرة الناشفة عادي وبعدين تحمري جزء الاكبر منهاوتسيبي حوالي ربع الكمية وتحطي عصير 1 طماطم وتسبها 5 دقائق وبعدين تحطي الشوربة وتحطي باقي الثوم مع الكزبرة وتغلي شوية بحيث الثوم يستوي وتشيلي الحلة من علي النار وتحطي الملوخية وبعدين تحطيها علي النار مع التقليب كويس جدا وبعدين تحطي رشة كاربوناتو ( بتخليها تخينة وتربي ) بس وتطفي النار وتشليها عن البوتجاز وعن اي سخنية وعند الغرف لو لقتيها تخينة زوديها شوية شوربة والله العظيم فظيعة انا لما اعمل عزومة بيتجنينو عليها (( سر شوبيس ان الثوم المحمر لما يغلي مع الطمام والشوربة بتدي طعم رهيب غير لما تحطي الطشة في الاخر )) لو عجبتكم وانا متأكدة انها هتعجبكم ادعولي.

منقول