صباحكم جوري
من العنوان اكيد كل وحده تقول شلون ايس كريم ومقلي !!!
بس هذي الحقيقه انتو جربوه وصدقوني بيعجبكم
تعالو نشوف كيف ينعمل
المقادير :ايسكريم فانليا اي نوع
بسكويت الشاي مطحون او بقايا كيك مطحونه واذا حابه ممكن الاثنين مع بعض
بيضه + فانليا + شوي حليب طازج
الطريقة :
خذي الايسكريم بس يكون جامد مره من الفريزر وكوريه بملعقه الايسكريم ( بحجم كرة التنس الأرضي ) وبعدها غمسيه بالملعقه
في خليط البيضه ومعها الفانليا وقليل من الحليب غطيه جيدا جيدا بالبسكوت المطحون
اعيدي الحركه ثاني مره
دخليه الفريز وخليه كذا ساعه وارجعي عليه وسوي نفس الحركه مره ثانيه... تقريبا سوي التغطيه اربع مرات
عشان تصير طبقه تحمي الايسكريم اثناء القلي ولا يطلع عليك فالزيت وطرطش عليك
بعدين خليه في برطمان في الفريز تبريده يكون ممتاز وخليه كم يوم عادي
ومتى ماجاك احد فجأه اقليه في زيت غزيز وساخن جدا كل حبتين مع بعض
بس تكونيين مجهزه الصحن والتزيين شرائح فواكه مثلا او شكولاته سايله هيرشي
بس اثناء القلي خلي يدك خفيفه ( لمدة دقيقه الى دقيقتين فقط ) لأن بسرعه راح يصير بني وعلى طول قدميه عشان يعرفون الناس انه توه
طالع من القلي والغريب انه ايسكريم ولا ذاب بعد القلي ..
ملاحظه هذا الطبق : ير يد خفة يد يعني العمل فيه سريع ..
ويطلع شكلة .. من بره ساخن ولذيذ ومن الداخل بارد وجامد يمي يم ..
الآيس كريم المقلي ..!!
العرض العادي
